نصائح لمرشح

النظافة من الإيمان:
صدقنى الشعار ده لازم يجيب نتيجة -خصوصآ- لو ساكن فى منطقة الزبال عامل إضراب طول السنة
والحكاية بسيطة عفريتة للأسطى حمادة بسة على كام مقشة من ستك سيدة واديها مية تديك طراوة
أطعم الفم تستحى العين:
طبعآ أنت عارف أن الطماطم مجنونة وياما خربت بيوت ناس كتير بس أبسط يا عم المرة دى الطماطم هى اللى هترفعك
كيلو الطماطم دلوقتى وصل خمسة و أحيانآ عشرة جنيه أنت لو أشتريته من أى مزارع كبيره يطلب منك اتنين جنيه للكيلو
تعالى انت بيع للناس ثلاثة كيلو بعشرة جنيه أو أربعة بعشرة -فى الحالتين- كسبان مرتين فلوسك بفوايدها وكمان ضمنت
رضا الناس।
العلم نور:
دى بقى تشكر عليها وزير التربية و التعليم لأن من غيره ما كانش هيبقى ليها لازمة لأنك
عارف أن الملخصات الأيام دى زى المخدرات اللى بيتقفش بيها بيشوف ولا هو مش هيشوف
بعد كدة أنا بقى هأضربلك عضفورين بحجر واحد طبعآ كل الناس ولادها بتتعلم أنت هنطبعلك
كام ملزمة أهو منها فدت العيال ومنها ضمنت أصوات أهاليهم
منجيلكوش فى حاجة وحشة:
دى بقى أشكر عليه الزعيم - عادل الأمام طبعآ- شوفلك عيلة كبيرة كدة يكون ليها عيل دلوعة
صاحب مزاج ولا بيعاكس بنات ووصى صول صاحبك يشده على القسم وانت طبعآ تروح تشخط فى الصول
وتقولو سيب الواد يلعب وترجع حمادة لبابا ।
أمال إيه ابن بلد